لو طلبني الرووح..مامنعت

غـبـــت لـيــــــــله وما سألت..... قلت اشوف الشوق يمي إبيجيبه ؟

ما فقدصوتي وانا لصوته فقدت......قلت عادي فيه شي وملتهـي به

ما غفى جفني ولا ليلي رقدت .....اطرد الهوجاس ودمـوعي سكيـبه

صرت القاه بمـنامي ولا قعدت......منشغل فكري بشخص(ن) مـادري بـه

ما قدرت والله إني ما قـدرت.....احكم الشوق اللي فيني من سبيبه

قلت : أسأل جبت رقمه واتصلت....هذا رقمـه وش حصـل والله غريـبه

غيّر ارقامه وانا توّي عرفت !!.....يا تعب قلبي عليه الله حسـيـبه

هوجحد حبي وانا اللـي ماجحدت......هوبعــدعني وانا مــنه قريبه

كلـها جروحـي تعّود يوم رحت.....كنت احسـب يالغلى إنـك طبيبه

ماأخذت للجرح( موعد )منك إنت ...اول الغاليين يجرحني عجيبه !!

باعني يعني وانا شاريه كنـت ....ذي جـزاته مـن وفا والله مصيبه

مادريت إنًه بيقسى يوم غبت ...عن جميع الناس سـماني( الحبيبه )

هان حبي والمواعيد إنـتهــت .... ما احبك قولها ماهي غصيبــه

ليت هذا الشوق عنده ما وقفت ....ليت هذا القلب راضاني بنصيبه

ومرت الأياااام واجد ما حسبت .....كل يومن فيه أنا أشعر بخيبه

الاذاك اليوم فيه أدعي وسجدت ...والدموع تسيل من غيره التجـيبه

قلت ياربي أنا بأسمك حمدت ....راضيه بحكــمــك وحكمك بقـتديبه

وإنت عالم كم أنا منه إنظلمت....كلها جروحي من اسـبابه عطـيبه

ماضيــه لحبه وبعزمـي عقـدت ....أدفــع الأتعاب منشانه ضريــبه

لويبيني أجــمع أشواقي جمعت ...وانهي الأحزان وأرجع ابـتدي بـه

ولوطلبني الروح البي ومامنعت....وش أبي بالعمردونه وش أبيبه؟

ميّت بحبه تراني وفيه طحت ....ما سحرني ومنـسـحر بأصله وطـيـبه

يـاقسى قلبه لصوته كم ولهـت .....لويكلمني ثواني واهــتنـي به

كان قصدي أختبر حبه (غلطت) ......ليتني ما قست حبي يا قلـيبـه

برفع الرايااااات أنامنًه تعبت .....توي أعرف المعاند كل عيـبه

وإن يبيني أعلن التوبه فتبت .......كل أمر(ن) لا دعاني بستـجيبه

شفت رقم(ن) ما عرفته واتصلت ...قلت اهلا جاوب بـرده ( الحبيبه )؟

كن ها لدنيا تلف وكني دخت ......من غلاه اللي بقلبي منـعدي به

ما قدريبعد حبيبي وما قدرت ....كيف نبعد ( شوووقنا )كلن يجيبه


(..................)

مو كانووو كلمة

(أحــــبـــــكـ )

يسلمووو على الردووووود

(((لاتعليق)))